Почетна » Информатори и публикации » Информатори » Информатор бр.30


Информатор бр. 30


ОДГОВОР ОД ЈАВНОТО ОБВИНИТЕЛСТВО НА РЕПУБЛИКА МАКЕДОНИЈА НА БАРАЊЕТО ЗА МИСЛЕЊЕ ЗА СЛУЧАИТЕ НА ПОЛИТИЧКА И ЕКОНОМСКА ЗЛОУПОТРЕБА НА ДЕЦА
На 05.10.2007 година, добивме известување од Јавното обвинителство дека поднесокот со прилози е доставен на надлежно постапување на Основното јавно обвинителство Прилеп и Основното јавно обвинителство Гостивар. По проверката на наводите во поднесокот, за одлуката на Јавното обвинителство ќе бидеме дополнително известени.

ХЕЛСИНШКИОТ КОМИТЕТ ЈА ПОЗДРАВИ БРЗАТА РЕАКЦИЈА НА ПРВАТА ДЕТСКА АМБАСАДА ВО СВЕТОТ-МЕЃАШИ ЗА СЛУЧАИТЕ ЗА ПОЛИТИЧКА И ЕКОНОМСКА ЗЛОУПОТРЕБА НА ДЕЦАТА ВО АВГУСТ 2007 ГОДИНА
Пренесуваме дел од извештајот за месец август поврзан со злоупотребата на децата во политички цели

РЕАКЦИЈА ПО ПОВОД СУДЕЊЕТО ЗА УБИСТВОТО НА ДВЕ ДЕЦА И ЕДНО ПОЛНОЛЕТНО ЛИЦЕ ВО ТЦ ЧАИРЧАНКА
Реакција од страна на Првата детска амбасада во светот – Меѓаши и Асоцијацијата за демократски иницијативи (АДИ) по повод судењето за убиството на двете деца, браќата Енџин (13) и Енис Исмаили (17) и едно полнолетно лице, нивниот другар Раметула Ибиши(20) пред Интернет-кафето “21’ во ТЦ “Чаирчанка“ во Скопје.

ЗАШТИТА НА ДЕТСКИТЕ ПРАВА НА ИНТЕРНЕТ ВО МАКЕДОНИЈА
Покрај добрите страни што ги овозможува Интернетот кој се користи за забава, едукација, бизнис итн., тој исто така нуди и можности за дистрибуирање на нелегален материјал и спроведување на нелегални активности.

КОНФЕРЕНЦИЈА ВО ВАРШАВА ЗА БЕЗБЕДНОСТА НА ДЕЦАТА И МЛАДИТЕ НА ИНТЕРНЕТ
Педофилијата и насилството помеѓу децата (преку смс пораки и e-mail-ови) се развиваат како што се развива технологијата. Како што кажав, педофилијата е присутна насекаде па верувале или не таа е и на интернет. Доаѓа време во кое децата треба да се едуцираат и да знаат како да си ја заштитат својата приватност додека се on-line. 

РЕЗУЛТАТИ ОД ИСТРАЖУВАЊЕТО ЗА ДОВЕРБАТА ВО ГРАЃАНСКОТО ОПШТЕСТВО
МЦМС спроведе истражувањето и подготви извештај за “Довербата во граѓанското општество”, како дел од програмата за работа на Граѓанската платформа на Македонија (ГПМ). Целта на истражувањето беше да се испита довербата на граѓаните во граѓанските организации и актерите во граѓанските организации.

ДЕТСКА НЕДЕЛА
Секоја година, првата седмица од месец октомври им се посветува на децата под мотото Детска недела, а првиот ден од Детската недела е Универзалниот Ден на детето. 

Законот за Донации и Спонзорства во пракса за прв пат во Република Македонија Генел - Меѓаши
Соработка на Меѓаши и Генел - за секој купен Канон производ, 1 Евро за активностите на Меѓаши

Консултативни состаноци за Законот за донации и спонзорства на јавните дејности
Со цел ефективна примена на Законот за донации и спонзорства на јавните дејности како и можност за поддршка на активности на граѓанските организации кои се од јавен интерес, беа организирани консултативни состаноци во Тетово, Охрид, Струмица, Гевгелија, Дебар и Струга. Воедно на состаноците беше презентиран Законот за донации и спонзорства на јавните дејности, неговата целосна имплементација, се дискутираше за прашања кои се од заеднички интерес, како и за важноста на развојот на филантропијата во Република Македонија.

Промоција на Водичот за волонтирање
Првата детска амбасада во светот – Меѓаши во рамките на Граѓанската Платформа на Македонија, го спроведува проектот “Промоција на волонтеризмот“, чиј главен исход е публикација на Водич за волонтирање, како и негова промоција низ универзитетите на Република Македонија.

АПЕЛ ЗА ПОМОШ – ДА ГО СПАСИМЕ ТЕО
Потребна е итна финансиска помош за лекување на три и пол годишниот Тео Тасев, на кого му е дијагностициран рак на лимфните жлезди, поради што треба да се лекува на клиника во Париз.

НАВИВАЧИТЕ НА BOLTON ДОНИРАА ЗА ДЕЦАТА ВО МАКЕДОНИЈА
На 20 септември се оддржа средба помеѓу претставници на Детската амбасада и навивачите на Bolton Wanderers, предводени од Lee Williams кои пристигнаа во Македонија за да го поддржат нивниот клуб во натпреварот со Работнички Кометал. Парите собрани од добротворната акција организирана од навивачите на Bolton, беа донирани на Првата детска амбасада во светот-Меѓаши за потребите на Дневниот центар за деца на улица. 

ДОБРОТВОРНА АКЦИЈА ПО ПОВОД 20 ГОДИШНИНАТА ОД СМРТТА НА ДРАГИ КРСТЕВСКИ-АМФИ
Драги Крстевски во текот на својот работен век работеше со децата и токму таа љубов кон децата е поттикот за оваа донација. 

ДРАГИ КАНАТЛАРОВСКИ ДАДЕ СВОЈ ПРИДОНЕС ВО БОРБАТА ПРОТИВ ПЕДОФИЛИЈАТА
Како завршеток на добротворните акции за овој период поранешниот фудбалер, Драги Канатларовски на 18 октомври донираше 17 000 денари на Детската амбасада. 

ДЕТСТВО БЕЗ НАСИЛСТВО-РЕГИОНАЛНА ПРОГРАМА ЗА ПОДОБАР СИСТЕМ НА ДЕТСКА ЗАШТИТА ВО ИСТОЧНА ЕВРОПА
Од септември оваа година Детската амбасада Меѓаши се вклучи во реализацијата на регионалната програма “Childhood without abuse – towards a better child protection system in Eastern Europe”. Оваа програма е започната од 2005 година и ќе трае до 2009 година.

АКТИВНОСТИ НА ДНЕВНИОТ ЦЕНТАР ЗА ДЕЦА НА УЛИЦА
Веќе три месеци во рамките на Детската амбасада Меѓаши функционира Дневен центар за деца на улица.

РЕАКЦИЈА ПО ПОВОД ИНФОРМАЦИИТЕ ОБЈАВЕНИ ВО МЕДИУМИТЕ ЗА ИСЕЛУВАЊЕ НА РОМИТЕ КОИ ЖИВЕАТ ПОД МОСТОТ БЛИЗНАК
Првата детска амбасада во светот-Меѓаши испрати реакција до медиумите во врска со информациите за иселувањето на Ромите кои живеат под мостот Близнак во општината Аеродром.

СООПШТЕНИЕ ОД ДЕТСКАТА АМБАСАДА-МЕЃАШИ УПАТЕНО ПО ПОВОД 17-ти ОКТОМВРИ – СВЕТСКИ ДЕН НА БОРБА ПРОТИВ СИРОМАШТИЈАТА
По повод Светскиот ден на борба против сиромаштијата, 17 октомври, Првата детска амбасада во светот-Меѓаши потсетува дека кога се зборува за сиромаштијата и социјалната исклученост неизбежно е да се споменат и децата. И покрај донесувањето на Конвенцијата за правата на децата и нејзиното ратификување во многу земји сепак отсуствува нејзино имплементирање во целост поради што голем број деца живеат во сиромаштија

ТРЕНИНГ ЗА МЕДИЈАЦИЈА/ПОСРЕДУВАЊЕ ПРИ КОНФЛИКТИ
Од 07-ми до 9-ти септември во хотел Парк, Охрид одржавме тренинг за професори/ки на тема “Медијација/посредување во конфликт”. На тренингот учествуваа 15 педагози и професори/ки од пет средни училишта: ДСУ “Никола Карев”, ДСУ “Цветан Димов”, ДСМУ “Д-р. Панче Караѓозов” и ДСУ “Георги Димитров” од Скопје, како и ДСМУ “Никола Штеин” од Тетово. 

ДЕЦАТА И СИРОМАШТИЈАТА ВО МАКЕДОНИЈА
Првата Детска амбасада во светот – Меѓаши беше поканета како учесник на семинарот “Децентрализација во Социјалната политика: Предизвиците на политиките за социјална инклузија на локално ниво” кој се оддржа на 25-ти септември на Универзитетот Југоисточна Европа.

FUNDRAISING ОБУКА ВО ХОТЕЛ БИСТРА, МАВРОВО
Од 19-20 септември во Хотел Бистра, Маврово во рамките на “Проектот за зајакнување на капацитетите на граѓанското општество” финансиран од USAID, а спроведуван од ИТЗ во партнерство со ЦИРа, МИМ и ЕЦНЛ се одржа обука со работен наслов “Техники за прибирање на средства од локални извори” на која присуствуваа претставници од повеќе граѓански организации од Македонија меѓу кои и претставник од Првата детска амбасада во светот – Меѓаши.

СОБИРАЊЕ СРЕДСТВА ОД ДОМАШНИ ИЗВОРИ ЗА ПОДДРШКА НА ДНЕВНИОТ ЦЕНТАР ЗА ДЕЦА НА УЛИЦА
Првата детска амбасада во светот–Меѓаши веќе неколку години се обидува да обезбеди средства од домашни извори за реализација на своите активности. Една од важните активности која ја спроведуваме од јули оваа година, за која треба да обезбедиме средства од локални ресурси, е функционирање на Дневниот центар за деца на улица (за подетални информации за работата на Центарот отворете го линкот Дневен центар за децата на улица).

СОБРАНИ СРЕДСТВА ОД КАСИТЕ ВО ТЕКОТ НА МЕСЕЦ СЕПТЕМВРИ/ОКТОМВРИ
Во текот на септември и октомври месец оваа година вкупната сума што граѓаните ја донираа во нашите касички изнесува 33 273 денари. 

МОНОГРАФИЈА - ПОВИКОТ ПРОДОЛЖУВА И ПОНАТАМУ!
По повод 15 - годишнината во тек е подготовката на монографијата за Првата детска амбасада во светот - Меѓаши. Досега монографијата ја подржаа следниве компании: Еуролинк осигурување, Комерцијална банка, Стопанска банка, Акцент медиа, Космофон, Академик Д-р Жан Митрев – Филип Втори, Брима Галуп, Д-р Пановски, University American College.

IN MEMORIAM – ТОШЕ ПРОЕСКИ
Се за децата од нивниот амбасадор!


Бушавко бр. 30

Преземи
PDF 220 KB