Oваа година Првата детска амбасада во светот – Меѓаши, Република Македодонија повторно ја организира Недела на глобална акција - Global Action Week (GAW) на национално ниво, ќе спроведе повеќе активности во текот на целата недела. Глобалната Недела на Акција ќе трае од 21 до 28 април 2008 година, додека главниот настан World Biggest Lesson ќе одвива на 23 април 2008 година.

Особена чест и задоволство ни е да Ве известиме дека музичката ѕвезда Шакира оваа година е Почесен претседател на Глобалната недела на Акција и како поддржувач и активен учесник во оваа кампања ќе направи се што е во нејзин домен да допринесе за вклучување на Сите во образование.

Светската кампања за вклучување на децата во училиште „Global Campaign for Education” е активност која ја спроведуваме секоја година почнувајќи од 1999 година. Оваа акција на меѓународно ниво е координирана од страна на Global March Against Child Labor , додека национален координатор кај нас е Првата детска амбасада во светот Меѓаши.

Секоја година Глобалната кампања за Едукација добива поддршка од голем број на индивидуалци и организации од целиот свет, во продолжение се само некои од многуте кои ја дадоа својата поддршка.